Agua de silenciu
que rolda
la vida
en quietos
envises
d’escondía esperanza.
Recueye cada sentir
y llévalu en volanderes
a la fondera
lluz
onde
s’atopa
la
fola amiga,
los
cantiles dondos,
los pexes
cucos,
el pandu sableru pal que la esistencia
arrebate
la xabaz xixa.
Tórna esdrúxula a les tienres miraes
que
serenen la xeitosa soledá
y aselen los cansos sentimientos de señardá.
Amiguinos, ta ehí la selmana santa y esti blog va garrar vacaciones. El llunes 4 d'abril, a les 9 la mañana, tornará de nueves a espublizase NON cola flash fiction Invisible. Mentanto y non, pues visitar entraes vieyes onde atoparás dalgo interesante que lleer. Ta llueín y pasá-ylo bien estes vacaciones.
.
Préstame: "... envises d’escondía esperanza."
ResponderEliminarNa vida siempre hai envises que nos dan aliendu pa siguir alantre, la to opinión yelo pa min.
EliminarYe perguapa
ResponderEliminarAgradecíu CS, torna a la mar en cuantes t'afayes pa ello.
Eliminar