Orbayu qu’añeres enllén de pallabres
afalaes por un airón amorosiegu,
fueyes qu’axitáis les febles sílabes
del árbol onde crecen los deseos,
dicíime ónde alcontrar el camín
de los ríos d’espíritu finxíu
que crucien sollertes
el ramosu repompu la esistencia.
Nubes qu’atayáis les
seles lletres
enramaes pol páxaru
la vida,
biesques que llanzáis
calmos soníos
de texíos ritmos de
cordura,
cuntáime cómo
percorrer
l’infinitu cimblar
d’estrelles
qu’allumen galanes la
sienda
de los suaños d’eterna
estaya.
Aidáime
a
escribir nel burbús
de
la llaspadera Lluna,
la
crónica del allabanciegu Sol;
nel fontán
del olvidu,
los
cuentos de l’alcordanza;
nuna
falsera sensación,
tola
realidá
conocida.
El 1 de febrero tornará a espublizar esti blog otra flash fiction de Los Payares. Hasta entós, ta llueu.
.
No hay comentarios:
Publicar un comentario